SUPERANDO RECORS

Máis fotos:

http://picasaweb.google.es/bentevexo/TetonLixeiras#

A xeira do 11 de agosto martes, no monte Tetón superou tódalas previsións.
Máis de 350 persoas (ata aí fomos quen de contar, despois xa foi imposible) achegáronse ata Tomiño, á casa do concello primeiro e despois ata o monte, para gozar dunha noite de petróglifos e estrelas. Benvidos aos veciños de Teo, que viñeron nun autocar dende tan lonxe para acompañarnos na visita.
Da man de Xosé Lois Vilar, poidemos ver no salón de plenos do concello unha serie de fotos sobre a arte prehistórica e as súas orixes, acompañadas das explicacións, sempre exaustivas e con ise toque persoal que lle da que o fai tan ameno.
Moita xente con ganas de ver e coñecer, e de pasalo ben valorando o noso patrimonio.
Dende iste blog queremos pedir a tódolos que nos acompañades nas nosas xeiras, un pouco de comprensión e colaboración. As veces é moi dificil facer as cousas mellor con tanta xente. É por isto que a vosa comprensión e axuda e moi importante. Entre todos tentamos facer das xeiras unha actividade interesante, divertida e formativa, na que dende os máis pequenos aos máis maiores nos sintamos a gusto.
O esforzo persoal é grande, e agardamos que todos lembredes con agarimo as nosas xeiras, a pesares da grande afluencia que limita as posibilidades nalgúns casos. Non é a nosa intención pórlle límites a xente, máis aló do seu comportamento (admirable polo de gora) e o respecto ao noso patrimonio e natureza. Gracias a todos/as.

PRÓXIMA XEIRA: A PORTAVEDRA E CHAN DO CEREIXO
O próximo xoves 20 de agosto, tócanos natureza, paisaxe, ríos e regueiras, plantas e arqueoloxía por paraxes moi fermosas. Haberá lugares novos a visitar cheos de encanto e beleza, antes de chegar á Portavedra e a Chan do Cereixo.
Ás 17,30 horas saímos do local do IEM, Aula de Cultura Ponte de Rosas, avda, da Feira nº 10, Gondomar.

ANTES DE PÓRSE O SOL NO MONTOUTO

Aí podedes ver tódals fotos da xeira de onte pola Groba.
Máis de 200 persoas poidemos gozar dunha fermosa noite chea de encanto e de bo humor.

http://picasaweb.google.com/bentevexo/NoiteDeLobosEEstrels10809

HOXE NOVA XEIRA AO MONTE TETÓN

Hoxe temos unha nova xeira polo Monte Tetón. Ás 22,30 h no concello de Tomiño teremos unha primeira parte coa presentación dunhas imaxes sobre petróglifos e as explicacións de Xosé Lois Vilar. Ao rematar subiremos ao Monte Tetón onde ademais de ver os petróglifos, poderemos botarlle unha ollada ao ceo que istes días nos amosa as Perseidas.

NON ESQUEZADES A LANTERNA

Non esquezades a lanterna e a roupa de abrigo. Onte á taardiña fixemos unha pequena visita ao Foxo do Lobo para concretar alguns detalles, e sopraba un curisco do norte que animaba a pór unha chaqueta.

Obxectos recomendados para hoxe a noite:
Calzado forte e pantalon longo. Chanclas e sandalias non se recomendan, así como saias ou pantalóns curtos. (hai toxos e pola noite tamen baixan as temperaturas).
Lanterna. Básica para moverse na noite entre o mato baixo , fora da pista ( son poucos metros os que iremos por fóra da pista).
Roupa de abrigo. Polar, cazadora... O verán na serra non é o mesmo que na praia (altitude e vento).
Algo para tumbarse ou/e sentarse. Almofada, manta, toalla ou a propia mochila, poden servir para apoiarse nelas coa cabeza mirando o ceo.(Imos estar mirando o ceo, quedos, bastante tempo)
Bebida quente. Non sentaría mal un "chuculatiño", un café, colacao, té, etc. dependendo dos gustos .
Mochila pequena. Para levar o que fose preciso de todo o que recomendamos. Mellor que che sobre a chaqueta que que che falte.
Lata, bote, botella, chifro, choca, ferro... para meter ruído e xotar ó lobo cara o foxo.
Paciencia e bo humor e imaxinación. Non imos ser moi severos co lobo/a e seremos comprensivos, ¡probe animaliño!
Contos, lendas e historias de medo, nas que o lobo sexa protagonísta. Ista noite o animal mási mitico do mundo será o protagonísta, e todo aquelo que sabemos ou coñecemos da nosa tradición estaría ben polo en común. (O que che contaron de neno, anécdotas, etc).
Telescopio e/ou prismatícos. Para mirar o ceo en puntos concretos.
Tres desexos. Pensa ben que é o que queres de vedade que se cumpra, despois de este verán. Di a tradición que cando se ve pasar unha "estrela fuxidía", hai que pensar en tres desexos rapidamente para que se cumpran. Xa sabedes, levade os deberes feitos para que non vos pille por sorpresa.
Coche para subir a Groba. Hai que subir ata a Cruz de Pao, despois do alto da Groba, xa baixando cara Torroña. Tentaremos repartirnos en santa Marta, para levar os coches precisos. Hai xente que non ten coche e solidariamente, repartirémola nos nosos.

Segundo as previsións metereolóxicas, vai estar bon.

NOITE DE LOBOS E ESTRELAS NA GROBA

INAGURACION DA AULA MUPEGA

Na foto:

Antonio Rial, director do MUPEGA, Xilberte Manso do IEM, Xosé Manuel Malleiro da UC e Antonio Lago de IEM.





Onte venres, ás 12 da mañán inagurouse no local do IEM, Aula de Cultura Ponte de Rosas, en Gondomar, avda da Feira nº 10, a exposición da
Aula do Museo Pedagóxico de Galicia.
Contamos coa presenza de Antonio Ríal director científico do MUPEGA e de Xosé Manuel Malleiro, catedrático da UC, especialista e estudoso das escolas de emigrantes e dos movementos pedagóxicos galegos na Republica, e colaborador e asesor científico do IEM no xa celebrado Congreso sobre Educación e Emigración no primeiro terzo do século XX.
A exposición consite nun aula dos anos vinte dunha escola galega, e nela podemos ver dende os materiais empregados nos procesos pedagóxicos a xogos e mobles que compuñan as auals das nosas antigas escolas.
Poderá ser visitada en horio de mañán de 10 a 14 h. e si houbera grupos interesados, previo cita e horario acordado.
A NOVA NA PRENSA

http://www.farodevigo.es/comarcas/2009/08/08/estudiaba-pizarras/356392.html

XEIRA NOCTURNA A TOURÓN

Tódalas fotos en
http://picasaweb.google.es/bentevexo/Touron7809?feat=email#





Onte pola noite tocou visita nocturna para ver os pretróglifos da estación de arte rupestre de Tourón, en Pontecaldelas.
A noite acompañounos cunha primeira parte de vento frío que foi indo a menos segundo íamos subindo cara o Nabal do Martiño.

Como non se pode capar e asubiar a un tempo, as fotos que fixen nos son moi boas, mais espero que sexan suficientes para amosar unha pequena idea do grupo e a xeira.

Unhas 100 persoas escomenzaron a xeira nun local que os veciños de Tourón teñen ao pé da igrexa. Con xente fóra por falla de espazo para todos, Xosé Lois Vilar deu un repaso con imaxes da arte rupestre ibérica e galega. Coa súa mestrísa e bon facer, fixo amena e clara unha exposición detallada sobre a mellor arte gravada en pedra que temos no país.
Xa chegando ás 24 h, subimos ao monte onde poidemos ver os magnificos gravados de Tourón, cunha ringleira de xente en "procesión" ata os cumes do último panel do Nabal do Martiño.
Aínda algúns nos quedaron forzas para ir a visitar un novo achádego dun cervo cazado cunha frecha, iste xa fóra do circuíto musealizado, deixando uns cantos laios entre a toxeira mesta e dura.Pagou a pena. Ás 3,30 da mañan falando de petróglifos, chegamos aos coches e voltamos ao Val Miñor.