MÁIS VIAXES NO VELEIRO NAUJA

Xa en setembro continuamos coas xeiras no Veleiro Nauja.
Os próximos martes e mércores 8 e 9 de setembro, a partires das 20 h. dende o porto de Baiona, saíremos en dúas novas xeiras marítimas de unhas 3 horas de duración.
Para o martes 8 xa non quedan prazas. Ante a gran demanda e para que non quede ninguén sen a posibilidade de gozar da nosa ría, faremos outra xeira o mércores día 9. Os interesados anotádevos canto antes escribindo á dirección de correo
actividadesiem@gmail.com
ou chamando ao teléfono 616025107.
O prezo é de 18€ por persoa.
Hai 37 prazas por quenda.

FOTOS XEIRA DE TOURÓN 29.8.09

Fotos realizadas polo compañeiro Bruno Centelles na Xeira aos petróglifos de Tourón. Pontecaldelas, o venres 29 de agosto.

A XEIRA A TOURÓN NA PRENSA E EN FOTOS

NOVAS NA PRENSA

http://www.farodevigo.es/portada-pontevedra/2009/08/30/visita-nocturna-llevo-cien-personas-petroglifos-touron/363272.html

http://xornalgalicia.com/modules.php?op=modload&name=News&file=article&sid=59181&topic=43

http://www.lavozdegalicia.es/pontevedra/2009/08/30/0003_7937327.htm

XEIRA POLA PEDREIRA E O RÍO VILAR

Para ver tódalas fotos:

http://picasaweb.google.com/bentevexo/XeiraAPedreira27809#

HOXE XEIRA POLA PEDREIRA E O RÍO VILAR

Hoxe xoves 27 de agosto temos xeira. A Pedreira e o río Vilar serán os destinos da xeira que comeza ás 20 h. no punto de encontro na praia de Santa Marta, en Baiona. A carón do bar da caseta de madeira, no paseo, atoparemonos para dirixirnos en coche ata o C.Cultural de Pedornes, no concello de Oia. Os que non queiran saír a Baona poden aparecer no centro cultural de Pedornes ás 21 h. A isa hora faremos unha presentación de fotos seguidas das explicacións de Xosé Lois Vilar, que nos irá introducindo no que imos ver a continuación , xa de noite, no monte.
Achegaremonos ata os petróglifos da Pedreira, nun paraxe con fermosas vistas sobre o mar e un grupo de petróglifos moi interesantes e variados, con motivos xeométricos, coviñas, sucos e un reticulado nunha pedra vertical; un muíño navicular e outros elementos.
Dende a pedreira baixaremos ata o río Vilar para ver os cuadrupes e barcos que están nas pedras do río, dentro do cauce.
Recomendacións: Roupa de abrigo e calzado e pantalóns fortes. Hai moito toxo e silveiras, aínda que se pasa ben, mais podese un rozar nalgún. Lanternas. Hai que andar pouco a pé. dadas as condicións do terreo ( mal acondicionado e con broza e rastrollos) chegaremos en coche ata a pista que leva á Pedreira, andaremos 500m. e voltaremos, despois de ver os petróglifos, ata os coches para baixar ata o camiño que nos leva ao río Vilar. Camiñaremos 300 m. ata o río e xa estaremos no río.
Recomendamos, de novo: bo calzado (non chanclas nin calzado aberto) e roupa de abrigo, pois ao pórse o sol refría o tempo.

PRÓXIMOS EVENTOS

Venres 28 de agosto: Visita ao campo de arte rupestre de Tourón, Pontecaldelas. Ás 23 h en Tourón, no centro cultural, ao pé da igrexa de Tourón.

Martes 8 de setembro: Viaxe no barco Nauja pola baía de Baiona.
Dadas as peticións e que aínda hai xente que quere ir no Nauja, haberá unha última viaxe, para o público en xeral, o martes ás 20 h no peirao de Baiona, a carón da lonxa.
Os que desexen asistir que manden unha mensaxe a dirección de correo :
actividadesiem@gmail.com
deixando o seu nome e número de tlfno e número de persoas que queren asistir. O prezo por persoa é de 18€, prezo que cobra o barco. Hai prazas limitadas (34-36) polo que anotaremos por orde de inscripción a xente que o demande.
A duración da viaxe é de entre 2 ou 3 horas, dependendo do estado mar.

HOXE, RUTA MARÍTIMA NO NAUJA

Hoxe temos outra saída pola baía de Baiona no Nauja. Xa está tódals prazas cubertas, e con máis demanda, polo que a próxima semana teremos outra saída.
Os que estedes interesados en asistir podedes mandar un correo ou un comentario a iste blog, solicitando a vosa praza. Xa sabedes que son limitadas (34-36) pois o barco non pode embarcar a máis xente. O prezo é de 18€ que é o que cobra o barco. O IEM non cobra nada por nengunha xeira nin actividade.


O XOVES XEIRA POLO RÍO VILAR E A PEDREIRA

A penúltima xeira das programadas será para ver os Petróglifos da Pedreira e do río Vilar, en Oia.
Ás 20 h saímos da praia de Santa Marta en Baiona. Hai que levar lanternas e roupa axeitada para pasar por camiños con toxo e xestas. Por desgraza, non estan limpos os camiños nin as proximidades dos petróglifos, polo que é dificultoso o acceso ata iles.

OS NOMES DO MAR

Aparece no xornal dixital Vieiros unha entrevista co noso compañeiro Xosé Lois Vilar
http://www.vieiros.com/nova/76037/a-caza-de-talasonimos-polos-mares-de-baiona
na que fala dos nomes do mar e da visita en barco pola ría de Baiona do próximo martes día 25.
Despois de varios viaxes no veleiro Nauja iste verán, estamos a punto de rematar esta tempada cun último no que agardamos que o tempo acompañe.
Máis información sobre o Nauja
http://www.elpais.com/articulo/Galicia/velero/huyo/nazis/elpepiautgal/20090822elpgal_17/Tes

AS ÚLTIMAS XEIRAS DO VERÁN
Xa estamos casí rematando a tempada , e consecuentemente as Xeiras. A semana que ven temos o Martes 25, Viaxe pola ría de Baiona no Nauja.
O xoves 27, Xeira polo río Vilar e A Pedreira, no concello de Oia, para ver petróglifos moi singulares.
O venres 28, Visita a Tourón, Ponte Caldelas, para ver a estación de arte rupestre.
Xa en setembro comeza un novo curso con novas actividades e, posiblemente, algunha xeira máis, mentres o tempo acompañe. Xa iremos informando.

MÁIS FOTOS da última visita nocturna ao Tetón:

http://picasaweb.google.es/lh/sredir?uname=bentevexo&target=ALBUM&id=5372930557721811553&authkey=Gv1sRgCP3LpJqU4K-d8gE&invite=CJ-c9c0L&feat=email

ÚLTIMA XEIRA POLO TETÓN E MÁIS FOTOS DA XEIRA POLA PORTAVEDRA

Enlaces para ver máis fotos das xeiras da Portavedra (feitas por Bruno Centelles), e a última de onte venres ao monte Tetón.




http://picasaweb.google.es/lh/sredir?uname=bentevexo&target=ALBUM&id=5372735307279459265


http://picasaweb.google.es/lh/sredir?uname=bentevexo&target=ALBUM&id=5372741796945808833

XEIRA POLA PORTAVEDRA.FOTOS

O xoves pola tarde tocou xeira pola Portavedra e a Chan do Cereixo. Despois dunha subida costa arriba, chegamos ao remanso verde e acolledor da fervenza das Abelosas, o que nos deu azos para seguir camiñando costa arriba ata chegar ao barrio do Crego, na Portavedra, antes de entrar no bosque húmido do lugar chamado monte dos Penedos . Atravesando iste bosque mixto no que poidemos ver bidueiros, salgueiros, periños, carballos, loureiros, acivros, sanguiños, ameneiros e moito brión e hedras gabeando por algún piñeiro aillado, chegamos as chans do Cereixo e a zona de traballo arqueolóxico das Campurras, onde poidemos visitar a, posiblemente, aldea máis vella de Galicia, a carón das augas que abrollan para formar o que será río Cereixo. Entre plantas carnívoras, algodón das brañas, ras e outras herbas, achegámonos ata a mámoa que está perto da Fonte da Anta e xa, de volta, enfiamos cara o norte para ver ao lonxe as illas e o solpor.
http://picasaweb.google.es/lh/sredir?uname=bentevexo&target=ALBUM&id=5372473062878000881&authkey=Gv1sRgCPLL3-yC5qu5lQE&invite=CPb73_IH&feat=email

Aí tedes as fotos nas que podedes ver a un numeroso grupo de adultos e nenos paseando e coñecendo o noso Val Miñor.
A próxima é hoxe a noite no Tetón. Ás 22,30 no concello de Tomiño comeza a seguinte xeira.
Vémonos.

NOVA XEIRA POLA PORTAVEDRA

Mañán xoves 20 de agosto, teremos unha nova xeira. Desta vez a natureza, a paisaxe e o patrimono etnográfico , serán os protagonístas, sen esquecer o arqueolóxico.
Hai que camiñar por paraxes moi fermosas que van trocando a altitude e a vexetación. Comezaremos subindo unha pequena encosta duns 300m, saíndo a pé dende o campo de bolos de San Cibrán, para logo pasar abeirando o Coto Acevedo ata chegar a fermosa paraxe das Avelosas. Alí gozaremos do frescor do río e dunha pequena fervenza entre a sombra das aveleiras. Subindo río arriba, pasaremos a beira de dous muíños e xa, cruzando a estrada que leva a Portavedra, pasaremos polo barrio do Cura antes de introducirnos nos humedais da Portavedra seguindo o percurso que leva a Chan do Cereixo e o Curro. Achegaremonos ás Campurras para ver a aldea máis vella de Galiza, a Chan do Cereixo e unha mámoa. Seguindo o rego da Fonte de Anta, voltaremos cara o ponente ollando a ría de Baiona a costa sur e as rías baixas, regresando por un vello bosque cheo de bolos graníticos cubertos de brións e hedras, carballos, loureiros, estripeiros, periños, castaños e aveleiras .
Saída: 17,30 h do local do IEM, Aula de Cultura Ponte de Rosas, avda. da Feira nº 10, Gondomar.
Tempo estimado: 3 a 4 h. (dependendo do número de xente e o ritmo que lle demos á marcha)
Dificultade: Media. Case todo o percorrido vai por camiños e pistas, agás un pequeno treito de 200 m.
Percorrido circular duns 8 a 10 Km. baixa intensidade.

HOXE NOVA XEIRA AO MONTE TETÓN

Hoxe temos unha nova xeira polo Monte Tetón. Ás 22,30 h no concello de Tomiño teremos unha primeira parte coa presentación dunhas imaxes sobre petróglifos e as explicacións de Xosé Lois Vilar. Ao rematar subiremos ao Monte Tetón onde ademais de ver os petróglifos, poderemos botarlle unha ollada ao ceo que istes días nos amosa as Perseidas.

XEIRA NOCTURNA A TOURÓN

Tódalas fotos en
http://picasaweb.google.es/bentevexo/Touron7809?feat=email#





Onte pola noite tocou visita nocturna para ver os pretróglifos da estación de arte rupestre de Tourón, en Pontecaldelas.
A noite acompañounos cunha primeira parte de vento frío que foi indo a menos segundo íamos subindo cara o Nabal do Martiño.

Como non se pode capar e asubiar a un tempo, as fotos que fixen nos son moi boas, mais espero que sexan suficientes para amosar unha pequena idea do grupo e a xeira.

Unhas 100 persoas escomenzaron a xeira nun local que os veciños de Tourón teñen ao pé da igrexa. Con xente fóra por falla de espazo para todos, Xosé Lois Vilar deu un repaso con imaxes da arte rupestre ibérica e galega. Coa súa mestrísa e bon facer, fixo amena e clara unha exposición detallada sobre a mellor arte gravada en pedra que temos no país.
Xa chegando ás 24 h, subimos ao monte onde poidemos ver os magnificos gravados de Tourón, cunha ringleira de xente en "procesión" ata os cumes do último panel do Nabal do Martiño.
Aínda algúns nos quedaron forzas para ir a visitar un novo achádego dun cervo cazado cunha frecha, iste xa fóra do circuíto musealizado, deixando uns cantos laios entre a toxeira mesta e dura.Pagou a pena. Ás 3,30 da mañan falando de petróglifos, chegamos aos coches e voltamos ao Val Miñor.

PROXIMA XEIRA, O XOVES

O próxio xoves teremos a seguinte xeira:Polo río Morgadáns, dende a Ponte das Ánimas ata os Muíños da Serra.
O nos guía sera Afredo López, biologo e bo coñecedor do terreo.
Saíremos do local do IEM na avenida da feira nº 10, Aula de Cultura ponte de Rosas ás 17,30 h.
Antes de saír podemos ver no local a Exposición da aula do MUPEGA que vai a estar exposta ata fin de mes. Podremos observar como era un aula dunha das nosas escolas aló polo primeiro cuarto do século pasado.

XEIRAS VERÁN 2009

Por problemas de dificil solución na nosa páxina web, imos seguir este verán as nosas xeiras niste blog.

AS XEIRAS Verán 2009 DO IEM

Data	Saída	Guías	Punto de encontro
9 xullo, xoves 17,30h	Polas ribeiras do río Táboas	Fernando Lahuerta	Praza do Concello Nigrán
15 xullo, mércores 17:30h	Ruta de sendeirismo circular por Peitieros e Morgadáns	Antonio Lago Xosé Ramón García	Praza do Concello Gondomar
23 xullo, xoves 17:30	Baiona histórica	Carlos Méixome	??
30 xullo, xoves 17:30	Ruta pola fraga de Oliveira	Xilberte Manso, Xosé Ramón García	Praza de Sabarís
6 agosto, xoves 17:30	Ruta de sendeirismo polo curso alto do río Zamáns.	Alfredo López	Praza do Concello Gondomar
10 agosto, luns 20:00	Noite de estrelas e lobos	Xosé Lois Vilar Xilberte Manso	Praia de Santa Marta Baiona
20 agosto, xoves 17:30	Ruta de sendeirismo pola Portavedra	Xilberte Manso, Xosé Ramón García	Praia de Santa Marta Baiona
27 agosto, xoves 20:00	Ruta polo río Vilar- A Pedreira	Xosé Lois Vilar Xilberte Manso	Praia de Santa Marta Baiona
Durante o mes de agosto terán lugar dúas saídas marítimas Baiona Cabo Silleiro,no barco Nauja, con datas 13 e 25 de agosto, cu n prezo de 18€ por persoa, sendo necesario apuntarse no tlfno. 629114162 por ter límite de prazas o barco.

Tamén temos para o mes de agossto outras saídas fóra do Val Miñor:

- 7 de agosto venres. Visita nocturna aos Petróglifos do Tourón (Ponte Caldelas).
Hai que apuntarse no tlfno. 629114162 si se desexa ir en autobús dende a Ramallosa, 22h. (prezo 5 € ). Os que queiran ir por libre no seu coche, poden achegarse ata Tourón ás 23 h.

-11 de agosto, martes, 23 h. Visita nocturna aos Petróglifos do Monte Tetón. Tomiño. Punto de encontro casa do concello de Tomiño 22,30h.

-21 de agosto, venres. Visita nocturna aos Petróglifos do Monte Tetón. Tomiño. Punto de encontro casa do concello de Tomiño 22,30h.

-28 de agosto, venres,Visita nocturna aos Petróglifos do Tourón (Ponte Caldelas).
Hai que apuntarse no tlfno. 629114162 si se desexa ir en autobús dende a Ramallosa, 22h. (prezo 5 € ). Os que queiran ir por libre no seu coche, poden achegarse ata Tourón ás 23 h.