Amigos e amigas do IEM:
Temos o pracer de convidarvos á inauguración da exposición
PREMIOS GRANDEAREA 2008
que terá lugar o próximo VENRES 11 DE SETEMBRO ÁS 20:30H. na AULA DE CULTURA “PONTE DE ROSAS” (Avda. da Feira, 10 baixo, Gondomar).
Nesta nova mostra que presentamos na Aula de Cultura Ponte de Rosas, en Gondomar, sede do Instituto de Estudos Miñoranos (IEM), temos a honra de acoller a exposición dos PREMIOS GRAN DE AREA DE APORTACIÓN Á ARQUITECTURA 2008, instituídos pola Delegación viguesa do Colexio Oficial de Arquitectos de Galicia (COAG). Estes premios, promovidos con carácter anual, teñen como obxecto resaltar a calidade arquitectónica dos proxectos e as obras de edificación, tanto de nova planta coma de reforma, xa sexa restauración, rehabilitación ou ampliación. Nesta edición, dos proxectos expostos, cinco deles, en distintas fases de construción, localízanse no Val Miñor, territorio que acolle xa numerosos traballos premiados en edicións anteriores. No acto inaugural intervirá SALVADOR FRAGA, presidente da delegación de Vigo do Colexio Oficial de Arquitectos de Galicia e ANTONIO SOLIÑO TRONCOSO, que fixo posible que esta exposición chegase ata o Val Miñor. Intervirán tamén dous dos arquitectos premiados: NURIA CAMPOS e JOSÉ LUÍS VARELA ALÉN, por obras realizadas no Val Miñor. A primeira, unha casa en Vilas, Morgadáns, Gondomar e a segunda unha vivenda no Ceán, Nigrán Axuntamos dúas imaxes de obras premiadas no Val Miñor e convite. Despois tomaremos un viño. Saúdos
