As Xeiras do IEM
Amigos e amigas do IEM _ _ * *O suplemento mensual do xornal A PENEIRA, A PENEIRA DO VAL MIÑOR, recibe o VII Premio Nano Cambeiro polo seu esforzo informativo sobre a comarca do Val Miñor* * *O premio consiste nun bronce de Fernando Casás* * * O Premio de Xornalismo NANO CAMBEIRO foi instituído polo Instituto de Estudos Miñoranos para lembrar ao xornalista e ao amigo. Cumprindo co establecido na convocatoria, faise pública a súa resolución ao cumprirse o oitavo aniversario da irreparable perda do xornalista Nano Cambeiro. Na reunión ordinaria do pasado 22 de setembro a Xunta de Goberno do Instituto de Estudos Miñoranos acordou por unanimidade conceder, nesta sétima edición, o premio ao suplemento mensual /A Peneira do Val Miñor/ do xornal /A Peneira/ tanto polo seu esforzo na difusión e análise da realidade miñorana realizado ao longo destes dous últimos anos, como por incardinarse na iniciativa xornalista do xornal /O Miñor/ que impulsou Nano Cambeiro, unha das mellores mostras de prensa local que houbo no país. Agora o esforzo da empresa editora de /A Peneira/ ven a retomar e a continuar o labor que Nano Cambeiro iniciara. Así mesmo a Xunta de Goberno do IEM transmitiu os seus parabéns ao fundador e director da /Peneira/, Guillermo Rodríguez, tanto pola iniciativa premiada como pola conmemoración dos 25 aniversario do periódico quincenal que, en palabras de Méndez Ferrín, quen recibiu o primeiro premio Nano Cambeiro é: “O periódico sobre territorios históricos de Turonio, como son O Condado, O Val do Louro ou Louriña, O Val Miñor, O baixo Miño, e extende o tentáculo dunhas páxinas en portugués á rexión minhota” O premio, sen dotación económica, consiste nunha peza de bronce obra do escultor e membro do Instituto de Estudos Miñoranos *FERNANDO CASÁS, *que se* *funde para entregar en cada convocatoria*. *A obra escultórica será entregada ao premiado nun acto público a realizar nos meses vindeiros. Nas edicións anteriores o premio recaeu en *Xosé Luís Méndez Ferrín*, *Francisco Fernández del Riego*, *David Reinero González*, na *web www.valminor.info,* dirixida por *Pedro Telmo Rodríguez Castro,* na web *www.* *Salvemosmonteferro.org,* realizada polos irmáns *Xosé* e *Anxo Reigosa Solleiro* e no conxunto de relatos *O Cruceiro de San Campio* dos que é autor *Antonio Valverde.* A Xunta de Goberno do IEM acordou tamén convocar o Oitavo Premio de Xornalismo “Nano Cambeiro” para artigos publicados ao longo do ano 2009, segundo as bases adxuntas. Val Miñor 28 de setembro de 2009 Asdo.: Carlos Méixome Director do Instituto de Estudos Miñoranos
Carlos Negro, ganador do 1º premio no 2008
obío.- Naceu en Cerponzóns (Pontevedra) en 1971. Estudou Maxisterio en Pontevedra e Filoloxía Galego-Portuguesa na Universidade de Santiago de Compostela. Entre outras actividades, dedícase a impartir cursos de lingua e cultura galega. Actualmente reside no concello de Cuntis. É membro da asociación “Redes Escarlata• e da “Asociación de Escritores en Lingua Galega”. No ámbito literario, e despois de pequenas incursións nalgún medio, comezou a darse a coñecer en 2003, tras gañar o XVII certame de poesía “Rosalía de Castro” da asociación homónima de Cornellà (Barcelona) cun conxunto de poemas que aparecerían publicados en 2005 no libro Arxilosa. Ese mesmo ano (2005) sairía o seu primeiro libro editado: Andar ao leu, e varios poemas da súa autoría serían incluídos na antoloxía Das sonorosas cordas. 15 poetas desde Galicia, ao coidado de Olivia Rodríguez. Tras colaborar en varios volumes colectivos, en 2008 ve a luz Palabras brancas, finalista do Premio Merlín 2007 e que mereceu o Premio Xosé Neira Vilas ao libro infantil e xuvenil mellor editado de 2008. Este último título (tamén de poesía) é a súa primeira incursión no mundo da literatura para nenas e nenos.
Nesta cuarta mostra que presentamos na Aula de Cultura Ponte de Rosas, en Gondomar, sede do Instituto de Estudos Miñoranos (IEM), temos a honra de acoller a exposición dos Premios Grandearea 2008, instituídos pola Delegación viguesa do Colexio Oficial de Arquitectos de Galicia (COAG).
Estes premios, promovidos con carácter anual, teñen como obxecto resaltar a calidade arquitectónica dos proxectos e as obras de edificación, tanto de nova planta coma de reforma, xa sexa restauración, rehabilitación ou ampliación.
Nesta edición, dos proxectos expostos, cinco deles, en distintas fases de construción, localízanse no Val Miñor, territorio que acolle xa numerosos traballos premiados en edicións anteriores.
Con esta exposición, o Instituto de Estudos Miñoranos dá forma á súa idea inicial de ampliar as temáticas, técnicas, soportes e en xeral todas aquelas expresións creativas de interese social, cultural ou artístico, susceptibles de ser mostradas, xerando unhas expectativas que intentará manter ao longo da vida da sala.
.JPG)
na Xeira aos petróglifos de Tourón. Pontecaldelas, o venres 29 de agosto..JPG)
.JPG)
.JPG)
Para ver tódalas fotos:
http://picasaweb.google.com/bentevexo/XeiraAPedreira27809#
http://picasaweb.google.es/lh/sredir?uname=bentevexo&target=ALBUM&id=5372735307279459265
. Atravesando iste bosque mixto no que poidemos ver bidueiros, salgueiros, periños, carballos, loureiros, acivros, sanguiños, ameneiros e moito brión e hedras gabeando por algún piñeiro aillado, chegamos as chans do Cereixo e a zona de traballo arqueolóxico das Campurras, onde poidemos visitar a, posiblemente, aldea máis vella de Galicia, a carón das augas que abrollan para formar o que será río Cereixo. Entre plantas carnívoras, algodón das brañas, ras e outras herbas, achegámonos ata a mámoa que está perto da Fonte da Anta e xa, de volta, enfiamos cara o norte para ver ao lonxe as illas e o solpor.
Aí tedes as fotos nas que podedes ver a un numeroso grupo de adultos e nenos paseando e coñecendo o noso Val Miñor.
